Program 2022

10.05

• 08.00 Kaffe og registrering (Stalheim Hotel)

• 08.30 Velkomst og opning av konferansen (Salongen)

  Konferansier: Roar Werner Vangsnes

  – Parken det er eg – Velkommen til Stalheim v/Randi Engelsen Eide, eigar av Sivle Gard og parkpartnar i Nærøyfjorden Verdsarvpark.

  -Velkommen til parkfylket Vestland v/Natalia Golis, fylkesvaraordførar i Vestland fylkeskommune.

  – Velkommen til Levande Landskap-konferansen – v/Gunn Mongstad, styreleiar i Norske Parker og ordførar i Solund kommune (Fjordkysten regional- og geopark)

  -Opning av konferansen v/Aleksander Øren Heen, statssekretær i Klima- og miljødepartementet (KLD).

• 10.30 Pause og kaffe

• 11.00 Foredrag (Salongen)

  -Sustainable; Authentic; Inspiring- Stories of Success, from The Living Landscapes of Europe» v/Carol Ritchie, direktør, Europarc Federation.

  – Bærekraftig utvikling i små distriktskommuner. Presentasjon av prosjektresultat og ny publikasjon v/Marit Mellingen, direktør på Distriktssenteret.

• 12.30 Lunsj

• 13.30 Tematiske ekskursjonar. Avreise buss

  1. Levande landskap, forvaltning og frivilligheit

  Levande Landskap blir halde ved lag av mange aktørar. Landbruk og frivillige er viktig i forvaltninga av eit område. Regionalparkar, som Nærøyfjorden Verdsarvpark, kan skape møtestadar, sikre finansiering og bidra i aktiv skjøtsel.

  Vi besøker Otternes Bygdetun. Eit unikt klyngetun med bygg frå 1700-talet som ligg høgt i Aurlandsfjorden. Både bygningsvern og skjøtsel av landskapet inngår i forvaltninga av Otternes.

  Vi møter personane bak Otternes, og andre frivillige som arbeidar med landskap. Vi får og besøk av Aurlandsdalens Venner og Venner av Flåmsdalen.

  2. Levande lokalsamfunn og bærekraftig besøksforvaltning

  Vi utforskar besøksforvaltning og utvikling av lokalsamfunn i praksis i Nærøyfjorden. Vi besøker den unike grenda Bakka, som ligg midt inne i verdsarven i Nærøyfjorden.

  Lokalsamfunn som Bakka tek vare på grunnleggjande funksjoner som kjenneteiknar levande landskap, som busetjing, jordbruk og skjøtsel av utmark. Dei har og ei viktig rolle som vertskap i møte med turistar. Saman med forvaltninga av verneområde, kommune og park, er dei med på å gje verdsarva eit konkret innhald for dei som besøker Nærøyfjorden.

  Det er og knytte ei rekke utfordringar til områdeforvaltninga. Forvaltninga blir styrt av flere ulike lovar og forskrifter. Ei god, heilskapleg utvikling er avhengig av personar som arbeider på tvers av grenser, og av dialog mellom involverte partar.

  På Bakka vil engasjerte representantar frå grendelaget, Verdsarvparken og frå verneområdeforvaltninga bidra med med kunnskap og erfaring om aktuelle utfordringar og løysingar.

  Lokalkjente Morten Clemetsen, professor i landskapsplanlegging ved NMBU, leiar ekskursjonen. Saman med førsteamunensis i planlegging, Knut Bjørn Stokke, arbeider Clemetsen med kurs i besøksforvaltning og utvikling av lokalsamfunn.

  3. Levande landbruk, næringsliv og lokalmat

  Interessa for lokal mat veks. Regionalparkar, geoparkar og biosfæreområde er aktive i utviklinga av lokal mat.

  Vi besøker Undredal stølsysteri i ostebygda Undredal. Her får du høyre om korleis dei har utvikla ost av høg kvalitet basert på lokale tradisjonar.

  Du får og høyre om korleis Verdsarvparken og Sogn Næringshage har utvikla matnettverket SAKTE med utgangspunkt i slow food-verdiane.

  4. Levande leiarskap, lokalt og regionalt

  I parkar arbeider offentlege, private og frivilligheit langsiktig og heilskapleg med bærekraftig utvikling. Korleis skapar vi eit godt samarbeid? Korleis jobbar vi med partnarskap på tvers og over tid? Kva for rolle har små kommunar i distrikta i bærekraftig utvikling?

  Vi får svar på mange av desse spørsmåla på Aurlandsvangen. I den idylliske landsbyen skjer det mykje interessant. Vi besøker hovudkvarteret til Nærøyfjorden Verdsarpark, og Aurland kommune, på Aurlandsvangen. Vi går på ei landsbyvandring til det planlagte verdsarvsenteret. Vi legg også opp til ein tur til utsiktspunktet Stegastein, høgt over Aurlandsfjorden.

• 18.00 Middag, kulturkveld og fjøspøbb (Sivle gard)

  Felles avgang frå hotellet 18.00.  Varme klær er godt å ha på seg på Sivle.

  Garden ligg 10 – 15 minutter gange frå hotellet. Her går natur og kultur hand i hand.

  Vi får servert lokalmat frå SAKTE-alliansen, før vi får oppleve ein kulturkveld i Per Sivle sitt rike.

  Vi avsluttar kvelden med Fjøspøbb.